2015年5月9日 星期六

不要說的話


不要說的話

5-5-2015

現在不同從前,從前人生七十古來稀,此刻說了會被八九十歲的圍毆。不可說什麼﹕

「你真是耐老了。」

「你真是青春常駐。」

「咁年紀仲咁靚。」

「你真係唔似六十歲啊。」

「你個仔今年怕都四十歲了。」

「你幾多歲生佢?」

上述其實都是女人想打聽別的女人歲數的話。何必呢?

對退了休的男人別說﹕

「你真是龍馬精神。」

「哎喲,你後生時滿頭頭髮,家白晒,染佢就同舊時一樣英俊了。」

「你太太五十三歲,你大過佢定細過佢呀?」

「你仲打幾多磅保齡球?我記得你三十年前打七八磅。」

「你好似矮。女人老就腳板大,男人老就會矮。人問你幾高時,記得話同舊時一樣啊。」

「頭髮少,剃光佢算啦。」

「張太,你家梳唔番舊時髮啊?我帶你去買。前面、後面都有,睇唔出你戴假髮。」

「你仲咁後生樣,不如再整後生,我知,我帶你去。」

「哎喲,個仔咁高咁成熟,人會以為係你老公……啊,老公都唔好,睇起頂多係你細佬。」

「我舊同學珍珍啊?佢仲靚過舊時,睇上去好似比我年輕十歲。」

「點解你仲冇肚腩咁好?」

「有千祈唔好同八卦婆講呀,佢一知就全城都知。譬如佢話你老公……啊,冇,冇。」

「你兩個女真係靚咯,不過唔似你老公,又唔似你。」

「你知唔知我個女嫁畀舊時同李嘉誠打工個人啊?」

沒有留言:

張貼留言